Bharat (India)

Hello Friends…..
Aaj Subah Bathroom me Nahate Waqt Ek Khayal Mere Dimag Me Aaya.
Khayal Tha Apne Bharat Ke Baare me.

Ye Jo Apne Telecom Operators hai,Unke baare me.
Jaha Ek Taraf Log kahte hai ki Bharat bahut Teji se Aage Badh raha hai.
Wahi India me Mehngai Bhi Badi Teji se Badh rahi hai.
Sahi hai Bhai Logo ki India Growth kar raha hai Lekin Agar Dhyan Diya Jaye to Bharat me Mehngai Utni hi hai,Utni hi kya Usse jyada Badh gayi hai.

Waise to Correctly Yaad nahi par Lagbhag 10 saal pahle hi India me 1 ₹ par minute ki Call rates thi.
Jagah-jagah 1-1 ₹ wale Telephone lag gaye the jab ye start hua tha Jinme 1 ₹ ka coin dalne par 1 Minute baat hoti thi.

Us Samay inka khoob Use hua tha aur Ye Telephone har jagah asani se mil jate the.
Ab aate hai Current Call Rates par.
Dekha jaye to Sare ke Sare Telecom Operators Lootne me Lage Huye Hai.

Aajkal Special Rate-cutters ka use kiye bina to Kisi ko call hi nahi laga sakte Kyunki Sabko Pata hai ki call rates kya hai.Koi 1.50 ₹ per minute charge kar raha hai to koi 1.90 ₹ per minute.
Aur Inke Chakkar me Log paise bachane ke liye Misscall marne lage hai.
Aur Ha Aajkal to Kuch operators free me messge service bhi Provide karwate hai Taki Samne wale ko pata chal sake ki kiske paas Call karne ke liye Paryapt Balance nahi hai Isliye Turant Call Kare.

In Sabke Karan log Internet ka jyada Istemaal karne lage hai taki Hike, Whatsapp,Facebook etc. ke Jariye hi Connect rahe aur Jyada Paise nahi lage.
Waise bhi Sabko pata hai ki India ke Log kahi na kahi se Jugaad nikal hi lete hai lekin Internet Plan bhi to India ke log hi bana rahe hai.
Jab Indian Telecom Operators ko pata chala to Unhone Internet Plans ke Bhav bhi Badha Diye.
Phir Beech me ek Nayi Suvidha logo ke liye Aayi…..MNP (Mobile Number Portability)…..
Logo ne Iske jariye bhi Jugad nikal liya…..
Log Har 3 Mahine me apne Number Port karwane lage.Operators bhi MNP par naye naye Offers deke Customers ko attract karne lage.
Lekin Ab Haal ye hai ki aap Kitne hi Port karwa lo,Operators aapko Lootenge hi Kyunki Port karwane par aapko sirf 1 month ke liye hi Fayda Milta hai,Uske baad phir se wo hi Hisab.
1.50 ₹ per minute ya 1.90 ₹ per minute ya jo bhi unke rates hai,Par 1.20 ₹ per minute se kam nhi milegi call rates.
Phir to Special Rate Cutters karwao ya phir Logo ko “Paryapt Balance nahi,Kripya Turant Sampark Kare” wale Messages karke Pareshan kare.Wo bhi Pareshan hokar aapko Call kar hi lenge.

Ab jinki Girlfriend hai unke Liye to koi solution nahi hai Internet ke Alawa.Lekin GF bhi tab tak Happy nhi hogi jab tak aap Unko call nhi karoge.
Maan liya aap Internet Call kar loge lekin Uske liye bhi Dono ke paas Tej Internet Connection Hona Chahiye.

Baat Phir se wahi aa jati hai.Mehngai Badhti ja rahi hai aur Jis Desh me 10 saal pahle 1 ₹ per minute me baat hoti thi waha ab bhi Call rates bina Special Rate Cutters ke 1.50 ₹ se kam nahi hoti.

Aaj to kuch jyada hi bada ho gaya na.Koi baat nhi yaaro ab to ho hi gaya na Complete.

Advertisements

5 thoughts on “Bharat (India)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s